Syzet optike reflektojnë përsonalitetin tuaj, ndaj përzgjedhja e duhur e skeletit përpos përmbushjes së nevojave tuaja të shikimit, duhet marrë në konsideratë forma e fytyrës, ngjyrat e skeletit sipas dëshirës dhe në përputhje me tiparet tuaja. Stili i jetesës përbën një faktor përcaktues në përzgjedhjen e skeletit të duhur i cili duhet të shfaqë karakterin dhe personalitetin tuaj. Në dyqanet tona do të asistoheni në mënyrën më profesionale nga opticieni dhe specialistët për rëndësinë e përzgjedhjes së skeletit të duhur, aq e rëndësishme kjo sidomos tek syzet progresive.

Komforti dhe qartësia e shikimit është e lidhur drejtpërdrejt me cilësinë e lenteve/xhamave optike. Natyrisht në optikat tona punojmë me xhamin më të mire dhe teknologjinë më të përparuar SHAMIR. Zgjedhja e xhamave optimalë varen nga numri i dioptrisë, kërkesat specifike të klientit, aktiviteti i tij ditor, kosto etj. Në përzgjedhjen e xhamave optike asistenca e opticienit është thelbësore jo vetëm për të realizuar korrigjimin e shikimit në parametrat maksimalë por duke ofruar edhe relaks, shlodhje dhe mprehtësi për sytë. Në OptikaLuani ju ofrojmë të gjitha llojet e xhamave optikë të markës Shamir, duke filluar nga lentet me një shikim deri tek ato progresive, Shamir Autograph Intelligence. Teknologjia Shamir përbën një garanci për produktet e saj të çertifikuar dhe vlerësuar me çmimet të para në shumë evente.

Studimet kanë treguar që ekspozimi i retinës ndaj rrezeve UV të diellit çon në formimin e kataraktit (perdes) të syrit dhe humbje të shikimit. Rrezet e përqëndruara UV mund të shkaktojnë kancer të lëkurës. Për mbrojtjen e lëkurës ndaj rrezeve të diellit përdorim shpesh elementë mbrojtës, por edhe sytë kanë nevojë për një kujdes të tillë. Rrezet UV përbëjnë një rrezik të shtuar për atë që njihet si dëmtimi makular. Mbajtja e syzeve të diellit ndihmon në shmangien e dhimbjeve të kokës dhe migrenës. Natyrisht, një tjetër element i rëndësishëëm është edhe ana estetike e syzeve të diellit. Markat më të njohura, me modelet më trendi të momentit direkt nga pasarelat e modës do t’i gjeni në vitrinat e OptikaLuani. Syzet e përshtatshme të diellit, këshillohen të zgjidhen në përputhje me formën e fytyrës, me tiparet fizike të personit. Një tjetër kriter i rëndësishëm është përzgjedhja sipas aktivitetit tuaj kryesor ditor për t’i përshtatur me veshjen tuaj dhe aksesorë te tjerë. Por jo më pak e rëndësishme është edhe shkalla e mbrojtjes që ofrojnë syzet e diellit nga ato 2N, 3N dhe të polarizuara 2P, 3P.

Profesioni ynë mbështetet në edukimin, pasionin për optikën dhe dëshirën për t’u ofruar klientëve tanë shërbim të shpejtë, cilësor dhe professional. Mbi këto shtylla kryesore është ngritur edhe laboratori ynë i optikës. Laboratori është i pajisur me pajisjet më të avancuara të teknologjisë së punimit të xhamave optikë. Opticieni Luan Sefa, i arsimuar në institutin T.E.I ATHINON të Athinës, me eksperiencë shumëvjeçare në këtë profesion ofron zgjidhjet më optimale të punimit të xhamave optikë duke filluar nga ato më të thjeshta deri në punimet me speciale të skeleteve optikë më të ndërlikuar. Në Laborator klientët tanë do të gjejnë zgjidhje për problematika nga më të ndryshme të syzeve të tyre, për përshtatje, hundëza, bishta, vida dhe aksesorë të tjerë tw lidhur me syzet optike apo tw diellit.